«De entrada hai que darlle un marxe á candidatura que foi a máis votada»

José Araújo di que Ciudadanos debe reflexionar sobre «as opcións de goberno que hai enriba da mesa e cal delas é a máis interesante»


Ourense

Despois de toda unha vida de militancia no PP, José Araújo Fernández deixou o partido cando quedaban poucas semanas para as eleccións e fichou por Ciudadanos. Este domingo estreouse como candidato da formación laranxa á alcaldía de Ourense e logrou volver á corporación baixo esas novas siglas. Obtivo cerca de 5.000 votos, un 8,74 % do total, máis do que prognosticaban as enquisas. El non oculta o seu malestar polas escasas expectativas que marcaron esas consultas para Ciudadanos, pero di estar satisfeito da campaña realizada e tamén disposto a traballar nesta nova etapa para conseguir melloras para Ourense.

-Ciudadanos quedou cerca do conseguir o terceiro concelleiro.

-É que eu creo que ao final van ser tres. Conto con iso. Estamos a moi pouquiño e todo o que permita a lei e todo o que poidamos reclamar para conseguir ese terceiro concelleiro farémolo.

-Esperaba máis representación aínda que eses dous ou tres concelleiros dos que estamos falando?

-Na rúa percibimos moi boas sensacións nestes días pero tamén é verdade que nesta ocasión había unha oferta amplísima de opcións. En todo caso, estamos moi agradecidos porque son case 5.000 os ourensáns que nos prestaron o seu apoio e iso é algo que o enche a un de orgullo e de responsabilidade. Agora hai que estar a altura.

-A lista máis votada foi a do PSOE. Cre que deberían liderar o futuro goberno local os socialistas?

-Agora temos que reflexionar como organización, pero de entrada hai que darlle un marxe á candidatura que foi a máis votada. Nós a partir e hoxe temos que falar de que opcións de goberno hai enriba da mesa e cal delas é a máis interesante para o futuro da cidade. Dixémolo e ímolo seguir mantendo: intentaremos ser útiles para sacar cousas adiante.

-Pero, a priori, vese na oposición ou no goberno?

-Claro que si. Eu véxome tanto no goberno como na oposición. Ademais non sería a primeira vez. Non hai que enrocarse en ningún posicionamento e temos que sacar adiante os temas máis importantes para a cidade.

-E que prefire vostede? Ser útil desde a oposición ou nun eventual goberno de coalición?

-É un tema que está por ver. De momento non che vou a contestar a esa pregunta. Non teño capacidade para contestala agora porque temos que falalo internamente no partido.

Conoce nuestra newsletter con toda la actualidad de Ourense

Hemos creado para ti una selección de noticias de la ciudad y su área metropolitana para que las recibas en tu correo electrónico. Descubre nuestro nuevo servicio.

Votación
2 votos
Comentarios

«De entrada hai que darlle un marxe á candidatura que foi a máis votada»