Por un 2019 cheo de neve


Din que «año de nieves, año de bienes». A falta aínda de que a neve comece a facer aparición nas nosas vidas e traia as imaxes dos paisaxes nevados, os bonecos de neve e as tradicionais complicacións no tráfico, o cambio de ano invita a pensar de xeito optimista. O 2019 será o ano no que subirá o salario mínimo, o ano no que os autónomos empezarán a ter algúns dereitos (aínda que sigan estando lonxe do dos asalariados por conta allea, e todos eles a anos luz dos funcionarios), un ano para seguir avanzando chanzos nesa longa escaleira cara a igualdade na que aínda non se ve o cumio, pero aí estamos... Un ano para pensar en positivo e poñer o noso propio gran de area para que sexa un ano de bens, para que o que nos rodea sexa en positivo e que a vida amose a súa cara máis amable. Porque nevará, algún día nevará, igual non tanto como queremos ou, quen sabe, incluso neva máis do que agardabamos. O que si sabemos de certo é que se vén por diante un ano máis, outros 365 días para tratar de pintar o noso propio futuro e deseñar o cambio que queremos seguir. Tamén un ano no que cada un de nós podería elixir o seu futuro máis próximo, e tamén o non tanto, votando aos próximos alcaldes. Un ano de oportunidades, de mudar o que non serve, de buscar novos horizontes. Tamén un ano para ilusionarse, e incluso para probar cousas novas. De aproveitar as oportunidades que dá o salto de ano para zafarse de todo aquilo que sabemos que non nos fai ben. De querer que o ano que vén estea cheo «de nieve y de bienes», pero tamén de esforzarnos por acadalo. ¡Por un moi feliz 2019!

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Tags
Comentarios

Por un 2019 cheo de neve