O OUFF 2019 acollerá unha homenaxe ao seu creador, Eloy Lozano, e a Blanco Amor

Polas actividades do Festival de Cine de Ourense pasaron este ano máis de 8.300 persoas


A edición do OUFF deste ano converteuse «nunha das mellores das celebradas ata o de agora, pola calidade das obras e da programación, situando a Ourense como capital galega do cinema e pechándose cun éxito mediático, de público e crítica», segundo sinalou o presidente da Deputación no balance do festival. José Manuel Baltar compareceu en rolda de prensa xunto cos coordinadores artístico e técnico do OUFF, Miguel Anxo Fernández e Aurelio Gómez Villar respectivamente, e anunciou que o organismo provincial potenciará o certame audiovisual de cara ás vindeiras edicións -a Deputación ten unha cesión de marca por catro anos- e promoverá a colaboración coas institucións, nomeadamente Concello de Ourense e Xunta de Galicia, para facer do OUFF o Festival de Cine de Galicia. Baltar Blanco anunciou que a presenza de Xavier Bermúdez na cidade, o ourensán recibiu a Calpurnia de Honra do OUFF, serviu para desbloquear o proxecto da rodaxe da segunda parte de «León y Olvido» e a película gravarase na súa maior parte na provincia de Ourense e contará con apoio da Deputación. Entre as novidades anunciadas por Miguel Anxo Fernández para o OUFF 2019, que se celebrará en setembro, destacan a realización dunha homenaxe ao promotor do festival, o desaparecido director Eloy Lozano, a importante presenza do cine mexicano -en colaboración coa Escola de Capacitación Cinematográfica creada en 1975 por Carlos Velo nese país- e contarase cun espazo propio para Eduardo Blanco Amor, do que se cumprirán os 40 anos do seu pasamento no vindeiro ano, a través dos guións que o escritor ourensán realizou para o cine. Segundo o balance dos organizadores do OUFF, polas actividades do festival pasaron máis de 8.300 persoas, das cales 6.249 asistiron ás salas (o 70 % das cales participaron na votación das películas).

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos
Comentarios

O OUFF 2019 acollerá unha homenaxe ao seu creador, Eloy Lozano, e a Blanco Amor