«Para moitas familias segue sendo difícil chegar a fin de mes»

Felipe Ferreiro, presidente da entidade, advirte que segue a haber moitos ourensáns en situación vulnerable


ourense / La Voz

O pasado trece de xuño cumpríronse tres anos dende que Felipe Ferreiro tomou posesión da presidencia provincial da entidade benéfica e asistencial. Quédalle un exercicio para cumprir co mandato asumido e asegura que non ten pensado repetir.

-¿Cal é o motivo desa decisión?

-O meu compromiso foi por catro anos e eu son partidario de que se debe renovar. Non se pode estar moito tempo nos cargos; incluso cando, como neste caso, é algo voluntario e altruísta que non ten nada que ver con dedicación horaria nin retribución algunha. E o certo é que isto require moita dedicación, e aínda que haxa un equipo de traballadores e voluntarios que son os que a fan funcionar.

-¿Pesa máis do que parece dende fora?

-Esta é unha empresa complexa, con moitos programas, moitas actividades, moitos traballadores e moitas actividades e, ás veces, sobre todo cando recibes negativas ou non atopas a resposta que buscas cando lidias coas administracións, por exemplo, o único que che paga a pena e te impulsa a seguir é pensar nas persoas as que se axuda. Pero conste que non me arrepinto de haber aceptado e orgulloso de que contaran comigo.

-As cifras din que as necesidades dos oruensáns non baixan pese a teórica saída da crise. ¿Pensa que están ben de efectivos para seguir dando resposta?

-Segue habendo un número considerable de persoas que viven en situacións bastante difíciles; non só por non ter traballo, senón mesmo que si traballan pero que o salario é moi axustado para facer fronte as necesidades básicas. Para moitas familias segue sendo difícil chegar a fin de mes. Pero eu penso que si estamos ben dimensioados, inda que sempre podía necesitarse nalgún caso a algunha persoa máis, porque é certo que hai servizos que están moi xustos e incluso fan horas de xeito voluntario polas tardes para que saia adiante, tampouco queremos cargarnos demasiado de persoal, porque entendemos que hai que buscar os equilibrios. O persoal é necesario para atender as persoas, pero non podemos consumir o presuposto só en plantilla.

-¿Qué foi o mellor e o peor?

-Sempre hai situacións delicadas e momentos de dificultade e de desacougo, pero cando ves os resultados, compensa. Na parte positiva da balanza está por exemplo a satisfacción cando imos a unha empresa para que se faga socia e din que si; ou o encontro anual do voluntariado, porque son persoas altruístas que se entregan de verdade, e esenciais para poder facer todo o que facemos. Tamén cando recibes unha gran colaboración, como a que temos pro exemplo coa Deputación de Ourense, que financia proxectos específicos das asembleas comarcais.

Conoce nuestra newsletter con toda la actualidad de Ourense

Hemos creado para ti una selección de noticias de la ciudad y su área metropolitana para que las recibas en tu correo electrónico. Descubre nuestro nuevo servicio.

Votación
0 votos
Comentarios

«Para moitas familias segue sendo difícil chegar a fin de mes»