Ourense: De visita no Arquivo Histórico Provincial de Ourense

Como cada ano, coincidindo co Día Internacional dos Arquivos, o Arquivo Histórico Provincial de Ourense está a desenvolver unhas xornadas de portas abertas para achegar o seu traballo e o legado que alberga aos cidadáns. Onte houbo visita guiada á sede do mesmo e os participantes puideron ver a mostra de documentos da Idade Media e da Idade Moderna e percorrer as instalacións, accedendo aos seus depósitos. Tamén houbo visita teatralizada, a coñecida como «O segredo dos franciscanos», para amosar o vinculo co patrimonio inmoble da cidade relacionado con esta orde relixiosa. Hoxe e mañá haberá novas visitas guiadas na xornada de portas abertas.