«O libro recolle os materiais que emprego para as miñas clases»

O mestre Pablo Nogueira presenta a súa obra na Feira do Libro de Ourense

.

Pablo Nogueira (O Carballiño, 1987) presenta hoxe na feria o seu libro Nube branca quere ser astronauta (Baía Edicións). O volume conta coas ilustracións de Manuel Uhía e no acto das 18.00 horas o autor estará acompañado por Belén López Vázquez, directora da editorial. Haberá presentación, lectura e dramatización do libro. Nogueira é mestre nos colexios Terra de Maside e Carmen García Carrasco, de Cenlle.

?Como naceu o proxecto de Nube Branca?

?Son contidos que realmente non ían ser unha publicación. O libro recolle os materiais que emprego nas miñas clases, que nun principio non estaban pensados para editar senón para traballar na estimulación da linguaxe, adquisición de fonemas e mellora da expresión oral. Para incidir nestes aspectos apostei por facelo a través do conto.

?E como chegou a proposta á canle da industria editorial?

?Os compañeiros dixéronme que lles gostaba moito a iniciativa e animáronme a publicala para que a coñeceran noutros colexios e fogares de Galicia.

?E daquela materializouse o libro.

?Si. Baía Edicións considerou que era unha iniciativa que podía ter demanda e aínda que se publicou hai pouco está tendo unha boa acollida. É un formato moi atractivo, moi visual, conta con ilustracións de Manuel Uhía e ademais conta con exercicios e actividades para traballar no que é o campo da dicción, audición e lectoescritura, que son nos que quere incidir.

?Nube Branca é un personaxe chamado a ter novas entregas?

?Non é algo que estea falado nin tan siquera valorado. Como tal si que podería contar con novos contidos e publicacións para facer unha serie, pero nunca se matinou nesa posibilidade. Agora estamos centrados na promoción do libro, que saiu hai uns días.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
2 votos
Comentarios

«O libro recolle os materiais que emprego para as miñas clases»