Ábrese ao tráfico a nova ponte sobre o río Miño 

A nova infraestrutura, cunha lonxitude de 200 metros e 5 de ancho, permitirá o uso compartido por parte de vehículos e peóns


Na xornada de onte procedeuse a abrir ao tráfico a nova ponte de Os Peares. O proxecto acortou de forma salientable os prazos de execución, algo no que xa incidira a conselleira de Ethel Vázquez nunha recente visita ás obras, e coa entrada en funcionamento desta ponte os veciños de Os Peares verán reducido en cinco quilómetros o acceso á zona da estación de ferrocarril e ao núcleo de poboación deste lugar con respecto ao actual trazado -para chegar a este punto había que dar un rodeo e circular por enriba da presa, o que se traducía en máis tempo e quilómetros para facer o percorrido-. A nova ponte conta cunha lonxitude de case que 200 metros e un ancho de 5 metros e segundo se indicou onte dende a Xunta esta circunstancia «posibilitará o uso compartido por parte de vehículos e peóns, aínda que lle dará prioridade ao uso peonil». Tamén se indicou que para completar e favorecer os desprazamentos a pé, unha nova senda de máis de 300 metros comunicará a ponte co núcleo de casas situadas augas arriba, nos Peares, pola marxe esquerda. Esta infraestrutura mellorará a mobilidade e incrementará a seguridade viaria dos veciños da Peroxa, de Pantón, de Carballedo e de Nogueira de Ramuín, co obxectivo de que teñan unha mellor comunicación coa rede principal de estradas».

 

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos

Ábrese ao tráfico a nova ponte sobre o río Miño