«Un dos mellores escritores do noso tempo», premio Trasalba

Agustín Fernández Paz lamenta os atrancos actuais ao idioma galego

la voz

Omnipresente a figura de Otero Pedrayo no pazo de Trasalba, sempre don Ramón en cantas referencias se fan á súa vida ou á súa obra, onte foi o día de Agustín Fernández Paz, «un dos mellores escritores do noso tempo», como dixo o escritor e editor Francisco Castro na laudatio coa que se resaltaron os sobrados méritos do homenaxeado para recibir o premio Trasalba. As razóns para a distinción non poden quedar nos máis de 45 libros que leva publicado, pois na figura de Fernández Paz merece especial relevancia o seu papel como docente, como dinamizador e como motor para a difusión da cultura e do libro galego.

Francisco Castro, que falou de Fernández Paz como un señor de idade que aínda cre que o mundo se pode cambiar, un home que leva na man un corazón de adolescente, laiouse de que se fora xubilar no instituto Os Rosais de Vigo xusto o ano en que o seu fillo maior podería disfrutar da erudición do profesor Fernández Paz.

O premio Trasalba 2014 tivo na sua intervención tempo para lembrar os lugares e os grupos dende os que traballou a prol do idioma. A estrea laboral de Fernáandez Paz na docencia foi no ano 1974 en A Coruña, e de xeito sucesivo fixo referencia á actividade da Asociación Católica de Mestres, a Avantar, ao movemento cooperativo Escola Popular Galega, a Nova Escola Galega e ao Gabinete de estudios para a reforma educativa. «Non foron doados os tempos de don Ramón e tampouco o son estos», dixo o escritor e docente xubilado, de quen se resaltou no acto que o que el fai, antes que outra cousa, é literatura. Que maioritariamente esté etiquetada como infantil e xuvenil é secundario.

En presenza do conselleiro de Cultura, Xesús Vázquez, e outros cargos da consellería de Cultura, lamentou e criticou Agustín Fernández Paz os atrancos que agora mesmo sofre o idoma galego no seu proceso de normalización.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
5 votos

«Un dos mellores escritores do noso tempo», premio Trasalba