Dados ao aire

Rosa Quintana CONSELLEIRA DE MAR

OPINIÓN

simon balvis

22 sep 2022 . Actualizado a las 04:50 h.

Longas horas de intercambio de pareceres en Vigo con numerosos representantes do sector marítimo-pesqueiro galego e unha impresión final de que, malia moitas reticencias, a directora xeral de Pesca da Comisión Europea, Charlina Vitcheva, entendera a necesidade de revisar a proposta de Bruxelas de prohibir a pesca de fondo en preto dun cento de zonas de augas comunitarias.

Foi o balance dunha reunión que mantivemos a mediados de xullo na que a representante da Comisaría de Medio Ambiente, Océanos e Pesca escoitou un por un a todos os representantes do sector e tras a que transmitiu a vontade do Executivo comunitario de revisar esta cuestión atendendo a novos datos e informes que recompilaría nese tempo.

Con estes antecedentes non é disparatado aventurar que a Comisión tome as decisións tirando os dados ao aire. Comprobámolo a semana pasada cando anunciou a aprobación final da prohibición, que se ratificou de inmediato este luns no Diario Oficial da Unión Europea, deixando en suspenso teórica vontade da directora xeral.