Sri Lanka: o «eco-tsunami» perfecto

Gaspar Méndez ECONOMISTA. PROFESOR DE XEOGRAFÍA E HISTORIA NO IES LUCUS AUGUSTI DE LUGO

OPINIÓN

CHAMILA KARUNARATHNE | EFE

14 jul 2022 . Actualizado a las 05:00 h.

A historia recente de Sri Lanka, a antiga Ceilán, non está exenta de calamidades. As presencias árabe e portuguesa deixaron exiguas minorías que manteñen esporádicos enfrontamentos coa maioría cingalesa, de relixión budista. Ao norte e nordés da illa viven os tamiles eelam, de relixión hinduísta.

Sería esta última minoría maioritaria a que protagonizaría un longo conflito armado, de vinte e seis anos de duración, co Estado cingalés, que só rematou, no 2009, coa derrota militar, en medio dun baño de sangue, dos Tigres de liberación do Eelam Tamil.

Tamén haberían de sufrir o tsunami de 2004, que deixou as costas devastadas e milleiros de mortos e desaparecidos. Pero un dos cataclismos máis importantes da súa historia como país está a suceder nestes momentos, e non foi provocado polas forzas da natureza, senón polas conviccións dos seus dirixentes políticos. Foron as ideas dos membros do movemento Viyathmaya, que se definen a si mesmos como «tecnócratas con principios espirituais», as que provocaron o actual estado de catástrofe alimentaria.