Fronte ao «lobby» eléctrico, o BNG escolle Galiza

Olalla Rodil VICEPORTAVOZ PARLAMENTARIA DO BNG

OPINIÓN

CESAR QUIAN

30 sep 2021 . Actualizado a las 05:00 h.

En política hai que posicionarse, decidir de que lado estás con feitos e propostas, sobre todo cando o tema impacta na vida da xente, nas familias, na clase traballadora, nas empresas. A escalada de prezos da luz, convertida en estafa legalizada, é un deses temas nos que hai que elixir posición. 

A do BNG é clara: fronte ao lucro indecente do lobby eléctrico, estamos con Galiza; fronte ao espolio da nosa riqueza eléctrica, estamos con Galiza; fronte a unha lexislación á medida de Naturgy, Endesa e Iberdrola aprobada polo PP e continuada polo PSOE, estamos con Galiza; e fronte ás portas xiratorias que poñen en nómina das eléctricas a ex presidentes, ex ministros e ex ministras do PP e do PSOE, o BNG está con Galiza.

Galiza é rica en electricidade pero non recibe beneficio algún. Ao contrario, cada vez pagamos máis pola luz malia a ter salarios e pensións por debaixo da media, un 14 % dos fogares padecen pobreza enerxética e miles de empregos están en risco polos custes enerxéticos. Décadas asumindo os custes sociais e ambientais, pero cero beneficios.