Unha oportunidade de mellorar o noso sistema universitario

Julio Abalde TRIBUNA

OPINIÓN

CESAR QUIAN

03 mar 2021 . Actualizado a las 05:00 h.

O Plan Bolonia supuxo a estruturación dos títulos universitarios en tres niveis: grao como acceso ao mercado laboral, máster como especialización e doutoramento como acceso á investigación. Establecíanse intervalos de duración para cada nivel: grao,180-240 créditos e máster, 60-120 créditos. Maioritariamente os estados da nosa contorna adoptaron graos de 180 créditos pero, contrariamente ao que xeralmente se cre, un número importante de países implantaron graos de 240 créditos ou variables.

 

No noso país o debate incluíu aspectos extraacadémicos, como a regulación de distintas profesións, adoptándose naquel momento a duración de 240 créditos para todos os graos, excepto os que tiñan regulación específica europea.

En pleno proceso de posta en marcha dos novos títulos, o entón ministro de Educación José Ignacio Wert modificou o decreto de titulacións abrindo a posibilidade de establecer graos de 180 créditos. O debate do 3+2 ou 4+1 estaba servido e aderezado coa modificación das taxas universitarias, que aumentaba sensiblemente o custe da matrícula dos másteres con respecto aos graos. Introducíase no sistema, aínda non asentado, unha nova perturbación. As universidades, responsable e consensuadamente, tomamos a decisión de que graos similares deberían ter a mesma duración en todo o Estado, polo que os graos de 180 créditos só poderían implantarse con titulacións de novos contidos. Por isto, escasamente existen 60 graos con esta nova duración no estado.