Día negro para os pesqueiros galegos


Os pactos políticos equitativos son unha utopía. Sempre hai unha parte que gaña, pero é frecuente que ambas se consideren vencedoras na pugna.

No caso do brexit, os negociadores din sentirse satisfeitos. Ursula von der Leyen dixo: «Agora temos un acordo xusto e equilibrado co Reino Unido. Protexerá os nosos intereses da UE, garantirá unha competencia leal e brindará previsión ás nosas comunidades pesqueiras». Boris Johnson soou máis triunfalista: «O pacto protexerá postos de traballo, permitirá que os produtos do Reino Unido se vendan sen aranceis nin cotas no mercado da UE e permitirá ás empresas facer aínda máis negocios con Europa»; e xa en plan nacionalista engadiu: «Ademais, logra recuperar o control das nosas leis e o noso destino».

Case á vez, a patronal pesqueira española, Cepesca, en declaracións de Javier Garat, secretario xeral da entidade, manifestou que o día da firma é un «día negro para os pescadores europeos, as súas familias e as súas comunidades». A rexión máis prexudicada é, segundo din, Galicia.

Boris Johnson non ía ceder no da pesca porque o control das augas ten un valor simbólico que lle permitirá salvar a súa vida política. E á Unión Europea ceder niso resultoulle un prezo «xusto e equilibrado». A fin de contas, España é un país do sur, un dos PIGS, e Galicia unha comunidade calada, que non alborota nin crea problemas como os cataláns ou os vascos; unha perfecta moeda de cambio. Ai! Se Alemaña fose unha potencia pesqueira outro galo nos cantara!

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
38 votos
Comentarios

Día negro para os pesqueiros galegos