O medo ao «trumpismo»


Sorprendéronme as declaracións de Isabel Allende sobre o medo que lle inspiraron as eleccións e tamén o actual período postelectoral en Estados Unidos: «Vivo la situación transpirando, con tremenda angustia y con una tensión enorme. Se ha visto cómo es este país. Más de setenta millones de personas votaron a Trump». Non se trata dunha pobre señora latina que teme o odio dos xenófobos partidarios de Trump ou que ve perigar o seu traballo. É unha escritora famosa en todo o mundo. Pero sente unha angustia que trastorna a súa vida diaria. E aínda que haxa unha dose de esaxeración novelesca, é rechamante que confese: «Paso los días entre whisky, marihuana, pastillas para dormir y Valium».

Trump conseguiu inspirar medo non só aos máis pobres e débiles, aos seus veciños mexicanos ou aos inmigrantes, tamén aos que se sentían instalados nunha democracia antiga e estable.

Esa capacidade de atemorizar creo que é o que levou ao noso actual presidente a utilizar o trumpismo como unha arma contra a oposición. En lugar de responder aos reproches do PP polos seus pactos con etarras e separatistas cataláns, limitouse a dicir que os do PP representan o trumpismo e que terán o mesmo fracaso nas urnas. Pero, curioso paradoxo, en lugar de refutar con datos os ataques, limitouse a utilizar a mesma estratexia que Trump, acusando os seus rivais políticos de mentir e usar fake news.

Eu prefiro pensar nos millóns que non votaron a Trump. Pero o que me dá medo é que o trumpismo se converta aquí a un tempo nun coco co que atemorizar ao electorado e ao mesmo tempo nun modelo para gañar as votacións.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
22 votos
Tags
Comentarios

O medo ao «trumpismo»