Cen anos de radio


Vanse facer en España cen anos das telecomunicacións como disciplina académica e cómpre observar o ocorrido desde entón cun medio que mudaría o mundo: a radiodifusión sonora, iniciada en Buenos Aires e Detroit en 1920.

Ao comezar, contaba con poucos elementos de contribución á produción e só daba un produto: voz e música emitidas no momento. Mais axiña as redaccións das emisoras de radio imitaban aos xornais, co teléfono e o teletipo a serviren noticia e comentario fresco; e introducían o relato telefónico de correspondentes e oíntes para competiren como medio quente. Despois habían vir as radioligazóns e as gravacións de son in situ. A aparición da telefonía celular supuxo un enorme salto na contribución de mensaxes á radio.

A vulgarización das comunicacións móbiles e dos dispositivos intelixentes foise producindo en paralelo co desenvolvemento da arañeira universal de servidores baseada na Internet. Apoiada nelas, a radio converteuse en parte dun sistema multimediático: fíxose doado conectar estudios de radio con información de calquera orixe, escoitar -¡e ver!- a radio na web en tempo real ou en diferido. Ultimamente xogan coas redes sociais como fonte e destino de información á vez, grazas ao cal a centenaria raíña das ondas ten boa saúde; e aínda vai recibir a xelea real da 5G.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
4 votos
Comentarios

Cen anos de radio