Pais maleducados e nenos insufribles

Marina Mayoral
Marina Mayoral PÁXINAS SOLTAS

OPINIÓN

PEPA LOSADA

14 feb 2019 . Actualizado a las 10:27 h.

Leo en La Voz un artigo sobre o que chaman «antiniñismo» ou nenofobia, unha actitude de moitos adultos que queren aos nenos lonxe.

Os sociólogos poñen o acento no egoísmo e individualismo desa actitude, pero os comentarios ao artigo decántanse por sinalar o que hai de mala educación por parte dos pais, que en lugar de ocupárense dos seus fillos e impedir que molesten ao próximo dedícanse a consentilos e a deixalos campar ás súas anchas.

Os nenos poden ser marabillosos, unha das alegrías da vida: a súa mirada luminosa, a súa risa feliz, a graza dos seus movementos, a súa forma de falar… Pero poden ser unha tortura cando non se sabe canalizar os seus instintos para convertelos en seres sociais.