Pais maleducados e nenos insufribles


Leo en La Voz un artigo sobre o que chaman «antiniñismo» ou nenofobia, unha actitude de moitos adultos que queren aos nenos lonxe.

Os sociólogos poñen o acento no egoísmo e individualismo desa actitude, pero os comentarios ao artigo decántanse por sinalar o que hai de mala educación por parte dos pais, que en lugar de ocupárense dos seus fillos e impedir que molesten ao próximo dedícanse a consentilos e a deixalos campar ás súas anchas.

Os nenos poden ser marabillosos, unha das alegrías da vida: a súa mirada luminosa, a súa risa feliz, a graza dos seus movementos, a súa forma de falar… Pero poden ser unha tortura cando non se sabe canalizar os seus instintos para convertelos en seres sociais.

Creo que vivimos nunha sociedade, polo menos canto á clase media, na que os nenos impoñen a súa vontade ás familias e fan o que lles dá a gana, algo que con gran frecuencia significa gritar coma posesos, perseguirse entre as mesas dos restaurantes, patear reiteradamente o respaldo da túa butaca, tirarse «á bomba» durante horas na piscina impedindo nadar a quen o desexe, correr e berrar polos corredores do hotel ou do apartamento de verán á hora da sesta… ou estomballarse no corredor dun vagón de tren, ata que o pai , de malos modos e entre rabechas e berros, levanta o rapaz para deixar pasar os viaxeiros.

Ou sexa que a nenofobia é comprensible. Nenos si, pero ben educados.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
56 votos
Comentarios

Pais maleducados e nenos insufribles