Falsificacións

.

A un veciño da cidade herculina puxéronlle unha multa. A causa? Aparcar como non se debe. E de canto era o importe? 1.050 euros. 

Cal foi a infracción? Deixou o coche aparcado sete días diante dun garaxe? Nunha praza reservada a minusválidos? Ía a 240 km/h nunha zona limitada a 50?

Ollo, que a resolución da pena incluía seis meses de cárcere!

Debeu atropelar a alguén.

Si, iso pensei. Pero... nada máis lonxe da realidade.

O home falsificou un tícket da ORA. O que oen. Foi condenado por estafa e falsificación de documento, o cal non lle falta razón. Pero, pregunto eu. Se en lugar de falsificar un resgardo do aparcamento polo que teriamos que ter pagado 2 euros, falsificamos un título académico... que pode pasar? Sendo proporcionais... digo eu que ano e medio de cárcere e 20.000 euros de multa, non? Ah, e inhabilitación, que foi o que lle pasou a este veciño por fotocopiar o tícket vello e modificar a data.

Axiña o saberemos, pois estamos a enfrontarnos a un caso semellante. A xustiza ditará sentenza. Pero, saben? No caso da señora Cifuentes o peor non é se posúe ou non un título falso. Non. Nin que non dimita. Para nada! Iso tampouco. O máis grave, para min, é esa maneira de mentirnos, así, descaradamente. Sen necesidade. Todo iría mellor se puxeran a humildade e as desculpas por diante. Porque, sexa como for, o que xa está máis ca probado é que as condicións non foron as mesmas que para os demais alumnos. E iso, nunha sociedade que garante a igualdade de oportunidades, non se pode permitir.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
34 votos
Comentarios

Falsificacións