Orxías benéficas


A prensa vén de sacar á luz un escándalo repugnante: altos cargos da oenegué Oxfam e traballadores da mesma organizaron e participaron en Haití en orxías con prostitutas e abusaron de menores, mentres o país tentaba sobrevivir ao terrible terremoto de 2010. Todo pagado con diñeiro da organización e sen máis consecuencias ca tres dimisións e algún despedimento, e mantendo en segredo as denuncias recibidas sobre outros moitos abusos sexuais. Os medios ampliaron a información, estendendo os abusos sexuais a outras organizacións, todas elas británicas. Estes feitos van prexudicar a moitos inocentes e van dar a razón a quen desconfía do papel benéfico das oenegués, malia que moitas delas realizan un labor admirable e altruísta, ás veces mesmo con risco de morte para os seus membros.

 Estas organizacións exercen ademais unha función crítica sobre a política social dos seus países, e sería lamentable que se aproveitase este escándalo para acalar unha voz incómoda. Pero tamén sería lamentable que, para evitar outros males, se botase terra sobre o asunto, ocultando as evidencias de corrupción.

Coido que o castigo polo que sucedeu en Haití debe ser exemplar e disuasorio, e Oxfam terá que asumir o descrédito e as subseguintes perdas económicas. E o mesmo digo das outras organizacións humanitarias que foron denunciadas.

Na súa man está recuperar o crédito e as axudas financeiras traballando ben, con transparencia, cunha coidada selección dos seus membros e unha permanente vixilancia das normas éticas.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
48 votos
Comentarios

Orxías benéficas