Serei gai se for preciso


O sentido da elegancia que me ensinaron os meus pais impídeme dicir nomes, pero a estas alturas é o de menos. Tampouco vou reproducir cousas que lin e que oín, porque non penso ceder o meu espazo á caverna, á noxenta intolerancia, á máis básica falta de respecto nin aos traumas íntimos de quen cre que a sexualidade se pode axustar a un modelo único. O certo é que estamos nas festas do Orgullo Gai no mundo enteiro, e aínda temos que oír persoas que, para reafirmar a súa heterosexualidade intolerante, fan uso dunha retórica vacua que só un xenio da palabra podería sacar do simple mal gusto. É triste o barata que sae esta desgraza na que hai matanzas en locais gais, agresións a mulleres que se bican e opinións insultantes sobre a sexualidade allea. Pódese dicir por aí que a un os homosexuais lle dan noxo polo módico prezo de que algunhas rachemos as vestiduras nas redes sociais, nuns cantos artigos, quizais nalgún xulgado, e despois nada. A mesma crenza estúpida en que hai maneiras de amar boas e malas. A mesma vergoña sobre os nosos corpos. A mesma hipocrisía que di que liberdade só hai unha.

Por iso, anuncio que me fago gai por sentido cidadán. É preciso encher España do espírito alegre e libertario polo cal se entende que amar a quen te quere e te desexa (sexa quen sexa) é digno de ser festexado e ostentado. Porque, a pesar do que cren algúns, non fai mal ningún.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
17 votos

Serei gai se for preciso