Unha mala noticia


Nos Estados Unidos descubriuse unha bacteria inmune aos antibióticos, a todos. Din que o mal uso destes medicamentos, o abandono do tratamento, as doses inadecuadas, unido ao abuso, á utilización para casos que non eran necesarios, provocou a aparición de bacterias resistentes a moitos antibióticos. Pero o de agora é máis grave porque a nova bacteria é inmune a todos os coñecidos. O director dos Centros para o Control e a Prevención de Enfermidades de Estados Unidos, Thomas Frieden, non ocultou a súa preocupación e o perigo que supón esta nova bacteria: «Corremos o risco -dixo- de estar nun mundo no que non serven os antibióticos». Noutras palabras, podemos estar indo cara atrás, cara a un mundo no que Fleming aínda non realizara o descubrimento que salvou millóns de vidas, aqueles tempos nos que a tuberculose levaba familias enteiras ao cemiterio. O perigo de contaxio é grande e a posibilidade dunha pandemia perfílase como un perigo real. Pero non sexamos agoreiros: «Hoy las ciencias adelantan que es una barbaridad», cantaban en La Verbena de la Paloma os nosos antepasados, que morrían como chinches. Confiemos en que a ciencia médica actual consiga atopar a kriptonita que destrúa os poderes desta superbacteria.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
43 votos
Tags

Unha mala noticia