Falece Manuel Regueiro, exdirector de Política Lingüística da Xunta

Ocupou varios cargos vinculados á educación e a promoción do galego e foi profesor en instituto de Lugo e Vilalba


Faleceu aos 76 anos Manuel Regueiro Tenreiro, durante anos unha das referencias en Galicia nos estudos e difusión do galego, como foron os seus cargos institucionais ao fronte de Política Lingüística da Xunta entre 1989 e o ano 2000 e logo como director do Centro de Estudos Ramón Piñeiro.

Regueiro naceu na localidade de Perbes, en Miño, en 1943. Estudou o ensino secundario en Santiago de Compostela. Licenciado en Filosofía e Letras na Universidade de Salamanca, doutorouse en Filosofía na Universidade Complutense de Madrid. Foi profesor en Soria, Salamanca, Lugo (Xoán Montes), Ferrol, Vilalba (onde foi director do instituto) e de novo en Lugo, no instituto Ánxel Fole. Foi subdirector xeral de Inspección e Reforma Educativa (1988-1989) e director xeral de Política Lingüística (1989-2000), ademais dun dos impulsores do Museo Pedagóxico de Galicia.

Colaborou na publicación dos primeiros libros de texto en lingua galega: Introducción á Filosofía (Galaxia, 1979) e Historia da Filosofía (Galaxia, 1980). Foi fundador e membro do consello asesor da Revista Galega de Ensino.

 Unha das últimas aparicións públicas de Regueiro Tenreiro foron na homenaxe que se lle dedicou a Antonio Fraguas no instituto Lucus Augusti de Lugo. Cunha saúde deteriorada, quixo acompañar aos exalumnos da persoa á que se lle dedica este ano o Día das Letras Galegas

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Falece Manuel Regueiro, exdirector de Política Lingüística da Xunta