«Hai carencia de plantacións de piñeiro»


Viveiro / La Voz

Jorge Souto, que comparte a xerencia co seu irmán Alberto, anda nestes días apurado coordinando a entrada de dúas novas máquinas para o serradoiro. Unha constante, a da innovación e modernización nesta empresa, na que a historia familiar pesa moito. O administrador recoñece que apostar polo uso de tecnoloxías de vangarda é fundamental «para poder ser máis competitivos nun mercado que cada vez é máis difícil».

-Cales son as principais dificultades ás que lle teñen que facer fronte?

-Con respecto á actividade no serradoiro, un dos nosos problemas é que hai carencia de plantacións de piñeiro e tamén hai moitas enfermidades que lle afectan a esta especie, como a banda marrón e o nematodo. Non temos problema en colocar a mercadoría, pero un dos problemas é a carencia da materia prima de cara ás novas décadas.

-De onde procede a maioría da materia prima coa que traballan?

-A maioría comprámola directamente no monte e o resto é de madeireiros da provincia e de Asturias.

-Cales son os seus obxectivos?

-Queremos seguir sendo competitivos, estar sempre na primeira liña. Queremos manter a clientela que temos e, como é norma da casa, atendela o mellor posible.

-As vendas da empresa rexistraron un incremento importante no último lustro...

-Incrementamos a facturación porque fomos capaces de incrementar a produción. E iso foi posible grazas á incorporación de nova maquinaria. Somos capaces de vender todo o que producimos e, por iso, contamos con cerrar este ano facturando cerca dos seis millóns de euros.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
2 votos
Comentarios

«Hai carencia de plantacións de piñeiro»