«Hai excepcións, pero en xeral, o sector primario e o rural non é especialmente innovador»

.

Santiago / La Voz

Marco Rubinos levaba 15 anos traballando como técnico de apoio á investigación en Lugo ata que decidiu lanzarse ao mundo empresarial a carón dos seus socios Boris Hinojo e a doutora Carmen Cillero.

-Utilizan drons para o seu labor, un ámbito moi controlado.

-A lexislación actual é bastante restritiva. Temos que estar dados de alta na Axencia Española de Seguridade Aérea como operadores, ter os nosos seguros e identificar as nosas naves cunha placa e un identificador único... É igual que un coche. E ademais hai que ter uns pilotos que teñen que ter un certificado médico e un título, e ademais os pilotos só poden conducir aqueles drons para os que estean preparados, non todos. Neste momento traballamos con tres drons e dous pilotos habilitados para utilizalos.

-Dedícanse ao sector primario e ao mundo rural. É resistente á innovación?

-Entre que as tecnoloxías teñen que validarse para poder ser aplicadas e que non son sectores dispostos a facer investimento en novidades... Non é un sector especialmente innovador. Obviamente hai excepcións, en Galicia e en Lugo hai cooperativas que están facendo cousas sorprendentes, pero en xeral entre a maior parte dos agricultores, gandeiros é silvicultores non hai unha gran aposta polo investimento en I+D.

-Existen suficientes medidas e políticas de apoio á innovación e o desenvolvemento no mundo rural?

-Sempre se pode esixir máis, pero a verdade é que a día de hoxe, aínda que sexan poucas as iniciativas e os impulsos, temos programas como o Primare da Xunta, ou mesmo distintas iniciativas que se están poñendo en marcha a través da Axencia Galega de Innovación (Gain). E no sector dos drons só o de Rozas esixe e é unha aposta forte que esperemos que remate repercutindo nun polo tecnolóxico que sexa capaz de dinamizar toda a provincia de Lugo.

Rubinos traballou na investigación.

Rubinos traballou na investigación.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos
Comentarios

«Hai excepcións, pero en xeral, o sector primario e o rural non é especialmente innovador»