Vilalba lembrará o centenario da asemblea das Irmandades da Fala en Lugo

O Iescha e o Consello da Cultura Galega promoven unhas xornadas, que se celebrarán os días 16 e 17 


Vilalba / La Voz

A asemblea que as Irmandades da Fala celebraron en Lugo en novembro de 1918 será lembrada, cen anos despois, en Vilalba. O Instituto de Estudos Chairegos e o Consello da Cultura Galega organizan unhas xornadas, que se desenvolverán os días 16 e 17 na Casa da Cultura da capital chairega.

O venres, ás cinco e media da tarde, terá lugar o acto inaugural, no que ademais das respectivas presidentas do Iescha e do Consello da Cultura Galega, Marisa Barreiro e Rosario Álvarez, intervirá o alcalde vilalbés, Agustín Baamonde. Logo proxectarase un audiovisual sobre as Irmandades, e a conferencia do día será pronunciada polo historiador Ramón Villares. 

Para o sábado quedan unha mesa redonda (os ponentes serán Uxío Breogán Diéguez, Alberte Currás, Emilio Insua e Manuel Roca), a actuación do grupo local de guitarras Pizzicato Trio, unha conferencia de Encarna Otero e unha ofrenda  floral diante do monolito que lembra, na rúa Valeriano Valdesuso, aos fundadores do grupo vilalbés.

A creación da irrmandade vilalbesa foi lembrada no verán do 2016 con varios actos; non só se descubriu un monolito senón que tamén se organizou un roteiro pola zona vella.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Vilalba lembrará o centenario da asemblea das Irmandades da Fala en Lugo