Máis de 130 alumnos participaron na XI Olimpíada Tecnolóxica na Politécnica

Celebrouse na Politécnica e xa hai equipos gañadores


A Escola Politécnica acolleu a XI Olimpíada Tecnolóxica, co título de «Imaxina, investiga, descubre, enxeña». Participaron alumnos de Cervantes; do Gregorio Fernández, de Sarria; do Leiras Pulpeiro (Lugo); de Seoane do Courel; de Castroverde; do San Tomé de Carballo (Taboada); e do IES Pedregal de Irimia (Meira).

En 2.º da ESO gañou o equipo «Engrenaxe», composto por Iago Durán, Lucía Cortón, Claudia Gallego, Abdellah Amanchar, Amelia Pérez, Carla Rodríguez e Adán García.

De 3.º da ESO gañou o equipo «Freeware», composto por Helena Silva, Iago Gómez, Lucía Portela, Jesús Fernández, Eros López, Laura Suárez e Andrés Arias.

De 4.º da ESO venceu o equipo «Transistor», formado por Jennifer Fernández, Iván Fernández, Pablo Pin, Manuel Díaz e Cecilia Moure.

Os gañadores tiveron que superar unha fase virtual entre xaneiro e maio e unha presencial, que foi onte.

A actividade, que arrancou hai once anos da man dun grupo de catro profesores, segue medrando.

A experiencia piloto coa que arrancou o proxecto celebrouse no Cebreiro e participaron os alumnos dos centros organizadores: Uxío Novoneyra, de Pedrafita; CPI de Cervantes; IES Leiras Pulpeiro, de Lugo; e CPI Virxe dos Remedios, de Castro Caldelas.

Preto de 130 alumnos participaron na última olimpíada, que tiña como obxectivo desenvolver a capacidade de establecer relacións co medio físico de xeito responsable e saudable; presentar problemas tecnolóxicos que contribúan a desenvolver a autonomía e iniciativa persoal; fomentar o emprego da tecnoloxía como ferramenta de traballo e vehículo de divertimento; afianzar habilidades sociais; e fomentar a riqueza do patrimonio cultural e lingüístico galego.

A olimpíada tecnolóxica comezou ás 11 da mañá, coa entrega de material. Os premios entregáronse a primeira hora da tarde, antes de iniciar as actividades na Politécnica, cun taller de mecanización e coa canle simuladora de ondas.

Ao remate da olimpíada realizaron unha ruta de sendeirismo pola ribeira do Miño.

Venres, sábados e domingo de xuño, de xullo e de agosto • Praza de Santa María, praza da Constitución, praza do Coronel Pena, praza de San Xoán • Asistencia de balde • O ciclo Música na praza ten continuidade en Vilalba. Organizouno o Concello por primeira vez o ano pasado, e promóveo de novo agora, con 21 actuacións previstas para os tres vindeiros meses. A primeira terá lugar o venres -praza de Santa María, oito e media da tarde-, coa presenza do trío de guitarras do Conservatorio de Vilalba. A derradeira está programada para o 18 de agosto -na praza do Coronel Pena, oito e media da tarde-, con Cantigas e frores.

Venres, sábados e domingos son os días elixidos para o ciclo. Así, este sábado -praza da Constitución, dez da noite- actuará o grupo Tundal, e o domingo -praza da Constitución, unha da tarde- a Charanga de Vilalba. O Conservatorio e o Centro Cultural e Recreativo colaboran co Concello.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Máis de 130 alumnos participaron na XI Olimpíada Tecnolóxica na Politécnica