Música e humor en Sarria para revivir as festas dos anos 50

O grupo Airiños da Freba presenta o videoclip «O estraperlista» e organiza unha foliada


Lugo / La Voz

A música e o humor serán a base da festa que se celebrará en Sarria este venres. O grupo sarriano Airiños da Freba presentará na Unión, a partir das 22.00 horas, o videoclip O estraperlista, nun acto que se completará cunha foliada e pinchos para revivir as festas dos anos 50. De feito, todo aquel que o desexe pode acudir vestido de época.

Airiños da Freba, un grupo de recolleita de música antiga e popular galega que naceu en Sarria o ano pasado, xa leva case 2.000 copias vendidas do seu primeiro disco, O’de Lacón, que inclúe precisamente o tema O estraperlista, do que este venres presentan o videoclip. Trátase dun tema baseado nunha canción popular da Coruña.

Morris, protagonista

Este traballo conta, segundo explicou Miguel Díaz, director de produción de MT Producciones, ten como protagonista a Antón Durán Morris e está dirixido por Lois Blanco Araúxo. O videoclip gravouse en Teixois (Asturias) e conta a historia do estraperlista, «un antigo comercial, un pouco tarambainas, cuxo soño era vivir na Coruña (...) Vaise contando a súa historia e tamén o desprezo que lle manifesta o pobo a el e ás súas ensoñacións», relata Díaz.

No acto do venres, o público poderá descubrir este orixinal traballo, «xa que non é habitual, e ademais é complicado, que se faga un videoclip dunha música desta época», continúa Miguel Díaz.

A proxección, ao aire libre, completarase co making-of, un photocall, degustación a cargo de Torre de Núñez e unha foliada dos anos 50 aberta, na que xa está confirmada a participación, entre outros grupos e músicos individuais, de Meigas e Trasgos. Haberá, ademais, moitas outras sorpresas.

Airiños da Freba ofreceu o ano pasado unha vintena de concertos e para este ano xa teñen pechadas o dobre de citas.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
3 votos
Comentarios

Música e humor en Sarria para revivir as festas dos anos 50