Bonxe revivirá unha cocedura tradicional

A asociación Canaveira organiza outra actividade para conservar e poñer en valor a cerámica popular

A Capela de Santa María acolleu no 2013 unha exposición sobre olería tradicional da provincia
A Capela de Santa María acolleu no 2013 unha exposición sobre olería tradicional da provincia

A cerámica tradicional de Bonxe revivirá grazas a unha actividade que se celebrará nesta parroquia de Outeiro de Rei o domingo 20. Alí, no forno das olas de Bonxe, que posúe a artesá cacharreria Pepa Lombao, no lugar da Veiga, terá lugar a I Cocedura Tradicional das xornadas etnográficas, que organiza a Asociación Ceramolóxica Galega Canaveira. Trátase dun cocedoiro dunha fornada de pezas de barro tal e como facían tradicionalmente os cacharreiros da parroquia de Bonxe.

O obxectivo desta actividade é continuar co programa de conservación e posta en valor da cerámica tradicional que iniciou Canaveira, un colectivo formado por un grupo de lucenses para difundir o legado cultural dos catro centro oleiros que operaron na provincia de Lugo (Samos, Bonxe, Gundivós e Mondoñedo). De feito, o acto en Bonxe continúa na liña dos cocedoiros realizados o pasado ano no forno de Lulle (Samos) e da publicación editada polo Centrad da Deputación, Formas Tradicionais da Cerámica Popular. Samos, na cal se presenta unha achega á fabricación de cacharros de barro nas terras do concello samonense.

Segundo explica Hixinio Flores, un dos impulsores desta iniciativa, os actos que se desenvolverán en Bonxe comezarán o sábado 19 pola tarde cargando no forno os cacharros que se pretenden cocer, unha operación que se desenvolverá durante varias horas, rematando preto da noitiña.

Empanada, castañas e bolos

Xa o domingo 20, ás 11.30 horas, iniciarase a cocedura con toxos, no forno das olas. Ao remate da xornada, a partir das 17.00 horas, convidarase ás persoas asistentes a empanadas, pan, bolos preñados e castañas asadas no forno de leña, situado a carón do obradoiro da artesá chairega.

Para rematar, o luns 21, a partir das 12.00 horas, procederase a descargar o forno, tendo en conta que os cacharros xa estarán fríos.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
5 votos
Comentarios

Bonxe revivirá unha cocedura tradicional