Tomé visita Ribeira de Piquín, onde a Deputación invertiu medio millón de euros en diferentes actuacións

la voz LUGO

RIBEIRA DE PIQUÍN

O presidente da Deputación en Ribeira de Piquín, xunto ao alcalde
O presidente da Deputación en Ribeira de Piquín, xunto ao alcalde

Houbo melloras no centro de día, na compra de maquinaria e na instalación de iluminación de menos consumo

22 mar 2021 . Actualizado a las 21:42 h.

O presidente da Deputación de Lugo, José Tomé Roca, xunto coa deputada de Réxime Interior, Promoción do Territorio e Turismo, Pilar García Porto, supervisou acompañado do alcalde de Ribeira de Piquín e tamén deputado de Recursos Sostibles, Roberto Fernández Rico, un conxunto de actuacións e dotacións públicas financiadas pola institución provincial na localidade con máis 500.000 euros, tanto a través de varias anualidades do Plan Único, como de convenios de colaboración. 

José Tomé subliñou que estes investimentos da Deputación de Lugo en Ribeira de Piquín responden ao «compromiso de cooperación da institución cos concellos para que poidan ofrecer máis e mellores servizos e infraestruturas públicas aos seus veciños e veciñas, independentemente do lugar no que vivan, o que contribúe a fixar poboación». 

Centro de Día

José Tomé comprobou o equipamento do Centro de Día, que, a través do Plan Único 2020, dotouse de electrodomésticos, como lavadora, secadora, conxelador, cadeira de rodas, aspiradora e outros aparellos para o correcto funcionamento deste servizos público por un importe de case 8.000 euros. «Unha contía á que cómpre sumar o esforzo que nos últimos anos fixo a institución provincial para lograr que esta dotación social ribeirega sexa hoxe unha realidade, con máis de 300.000 euros destinados». A Deputación de Lugo mantén en vigor un convenio de colaboración para contribuír ao correcto funcionamento deste centro repartido en 4 anualidades (2020-2022), destinando cada ano a institución provincial a contía de 30.000 euros.