«Intentarei transmitir o que anunciou a alcaldesa: transparencia, cercanía e respecto institucional»

Desde onte é o voceiro socialista do goberno local presidido por Lara Méndez. Miguel Fernández Méndez (Ribeira de Piquín, 1955) estréase como portavoz e tamén como concelleiro, pero non é un novato na asunción de responsabilidades de representación. Foi presidente do colexio de Enfermería durante 10 anos e tamén presidiu a asociación de pais de alumnos do colexio Sagrado Corazón. Este membro numerario da Academia Galega de Enfermería di que, como voceiro do goberno lucense, tentará «transmitir o que anunciou a alcaldesa no discurso de investidura: transparencia, cercanía, respecto institucional e man aberta a todos».

-¿Xa falou co anterior voceiro, con Luís Álvarez?

-Non, aínda non tiven tempo. Procurarei falar con el canto antes, porque entendo que deixa o listón moi alto, e seguro que me pode aconsellar moi ben.

-Supoño que seguirá convocando a rolda de prensa posterior ás reunións da xunta de goberno...

-Si, informaremos despois de cada reunión.

-Con outros cinco grupos na corporación vai ter moito traballo. ¿Que ton quere que dar ás súas intervencións?

-Pois o que espero que reflicta que somos xente de consenso e de talante negociador. Escaparei das descualificacións. Penso que no momento que vive a política é importante coidar as formas.

-¿Cal sería a información que lle gustaría comunicar aos lucenses?

-Hai varias, sen dúbida. Unha delas sería anunciar que mellora a creación de emprego no noso municipio, que diminúe o número de persoas en paro e que cada día hai menos veciños en risco de exclusión.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos

«Intentarei transmitir o que anunciou a alcaldesa: transparencia, cercanía e respecto institucional»