A Feira do Queixo do Cebreiro porá á venta unhas 3.000 pezas

A cita será o venres 30 e terá como pregoeiro ao profesor Francisco Sineiro

.

O deputado de Relacións Institucionais, Álvaro Santos, e o alcalde de Pedrafita do Cebreiro, José Luis Raposo, presentaron a edición 31 da Feira do Queixo do Cebreiro, declarada Feira de Interese Turístico Galego, e que terá lugar o vindeiro venres, 30 de marzo. No acto tamén participou o presidente do Consello Regulador Denominación de Orixe, Enrique Fernández Paradela. «Co impulso a esta feira queremos contribuír á súa comercialización e, ao mesmo tempo, dinamizar a economía da montaña lucense, pois o evento xera un volume de negocio próximo aos 15.000 euros, poñéndose á venda uns 3.000 queixos a un prezo de entre 5 e 6 euros», explicou Santos.

Esta festa celébrase desde 1987 e cada ano asisten miles de persoas atraídas pola súa fama, incluídos veciños e comerciantes do Bierzo. Participarán as queixerías acollidas ao Consello Regulador, estas son: Castelo de Brañas, Queixo Santo André, Marqués de Cernadas e Gran Despensa Abadía de Samos, poñendo á venda uns 3.000 queixos a un prezo de entre 5 e 6 euros. O prezo destes varía en función do peso, dende os 300 gramos ata o quilogramo. Haberá uns 160 postos, nos que tamén se poderán adquirir outros produtos tradicionais e elaborados de maneira artesanal. Como novidade, tamén se poñerá á venda queixo curado e haberá un posto de produtos de porco celta.

O queixo do Cebreiro, conta con Denominación de Orixe Protexida dende o ano 2008, e esta elaborado con leite de vacún, sen conservantes nin produtos engadidos. A súa de zona de produción comprende os concellos de Pedrafita, O Courel, Cervantes, Triacastela, As Nogais, Navia de Suarna, Becerreá, Baralla, Baleira, Castroverde, A Fonsagrada, Láncara e Samos.

A feira comezará ás 9.30 horas. As 11.00 horas haberá pasarrúas coa Charanga DGT e ás 12.00 horas actuará o grupo Xistra de Pedrafita. O pregón será a unha do mediodía, a cargo do profesor de Economía Agraria na Politécnica, Francisco Sineiro.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos
Comentarios

A Feira do Queixo do Cebreiro porá á venta unhas 3.000 pezas