Propoñen 500.000 euros para continuar o Paseo do Rato ata a Campiña

O BNG solicitará que esa cantidade se inclúa nos orzamentos da Deputación


lugo / la voz

Continuar o Paseo do Rato ata a Campiña. Esa é a proposta que fai o BNG e, de feito, a formación xa presentou unha emenda aos orzamentos da Deputación para que acometa un investimento de medio millón de euros. Trátase de seguir o recorrido ao carón do río Fervedoira. Asemade tamén reclaman a inmediata posta en marcha dos traballos para acondicionar as rúas da urbanización Castro Gil, xa que se trata «dunha débeda ca veciñanza que leva anos pagando impostos e están totalmente esquecidos», segundo dixo onte o voceiro nacionalista no Concello de Lugo, Rubén Arroxo.

O deputado provincial Xosé Ferreiro, concelleiro en Outeiro de Rei, explicou que presentarán unha serie de emendas aos orzamentos provinciais «e avaliaremos cal será a posición do noso grupo á hora da aprobación en función da consideración que se teña das nosas propostas e esta de continuar o Paseo do Rato, xa foi aprobada por unanimidade no pleno polo que entendemos que non debe haber problema algún para que a partida proposta vaia xa incluída nos orzamentos do 2019.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
6 votos
Comentarios

Propoñen 500.000 euros para continuar o Paseo do Rato ata a Campiña