Vinte propostas para redescubrir Lugo este verán

O lucense Guido Guía lanza unha nova alternativa de lecer


Lugo

O guía de turismo lucense Guido Álvarez, de Guido Guía, acaba de lanzar unha nova proposta de lecer. Trátase de «Redescubrindo Lugo», con xornadas viaxeiras por toda a provincia lucense pensadas para gozar neste verán.

Este «ilusionante proxecto», como di Guido, «é a nosa principal aposta para o que queda do ano 2020». Consiste en vinte xornadas viaxeiras, deseñadas e confirmadas, «nas que gozaremos xuntos das marabillas desta provincia». En cada unha destas xornadas haberá paseos guiados, pícnics, charlas e algunha sorpresa máis.

Guido Guía matiza que, debido á situación excepcional que vivimos, aínda non pode confirmar ao 100% as datas de cada unha das xornadas, pero idealmente transcorrerán entre xuño e setembro. En todo caso, terán lugar dende que sexa legalmente posible.

Xa se poden facer as reservas de xeito anticipado (ata o 17 de maio) e con desconto no número de xornadas que se desexe: unha xornada custará 12 euros, e tres xornadas, 30 euros. «Deste modo apoiaredes o proxecto dende xa e aforraredes un pouco, xa que o prezo posterior será de 15 euros por xornada», explica. Os interesados poden facer a reserva escribindo a guidoguiaturismo@gmail.com.

O guía lucense agradece de antemán o apoio dos que colaboran con esta iniciativa: O Freixo Dos Lobos Ecoturismo e Natureza, Sogos Consulting, Asociación para a defensa do Patrimonio Cultural Galego, Hugo Fernández Balseiro, Concepto Circo, Centro Dinamizador de Negueira de Muñiz, Piornedo ANDA, Diego AS, Andrés Bourio, O Zoqueiro Peregrino (Alberto Geada), Claudia del Pino e Asociación Sociocultural Fonte do Milagro.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Vinte propostas para redescubrir Lugo este verán