Amparo quedará retratada para sempre no corazón de Navia

Esta súper avoa posa cunha bandexa de chulas e uns cascos nunha fachada da Avenida de Galicia


Navia de Suarna / La Voz

Amparo Pérez é unha súper avoa. E como tal, merece o seu mural. Unha familia da Avenida de Galicia de Navia decidiu encargarlle un mural a Joseba Muruzabal (Yoseba). Amparo tivo unha panadería fronte á fonte e era unha artista. Montouna no ano 1980 e o seu eran as chulas.

Desta obra de arte que leva o nome de A resposteira dos montes, destacan os cascos de música que rodean o pescozo de Amparo. Isto débese a que a ela, con 88 anos, cada vez lle gusta máis o baile e a música.

Esta obra de arte foi encargada polos irmáns de André López Gómez, outro artista que se dedicou a facer reloxos de pedra ou pendentes de acibeche, entre outras moitas cousas. Ademais, é o responsable de moitos dos letreiros de pedra que recollen o nome das casas próximas á praza de Navia. É tal a admiración por André, que hai unha petición en change.org que pide a creación dun museo-exposición dedicado á súa obra de Navia. O artesá firmaba as súas obras como André Navia porque todo o facía por homenaxear a súa localidade natal, sempre presente nel. Dedicábase á ourivería e, frecuentemente, facía traballos con lousa e grazas a el, moitas das casas de Navia de Suarna quedarán identificadas para sempre.

Yoseba fai arte, pero tamén lle gusta expresalo con palabras. No seu Facebook persoal decidiu contar como naceu a idea de retratar a Amparo ofrecéndolle chulas a un oso: «En Navia de Suarna el día empieza más tarde. Rodeado de montañas la niebla no levanta hasta las diez de la mañana. Tenía ganas de pintar un oso y era el único sitio de Galicia donde tenía sentido hacerlo, cuando Marina me ofrece la fachada de su casa, la idea surgió sola», escribe este artista.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
2 votos
Comentarios

Amparo quedará retratada para sempre no corazón de Navia