Esta é a programación da Mostra de Teatro Clásico de Lugo: dez obras para todos os públicos e a prezos populares

L.G.C. LUGO / LA VOZ

LUGO CIUDAD

Imaxe de arquivo da Mostra de Teatro Clásico de Lugo.
Imaxe de arquivo da Mostra de Teatro Clásico de Lugo. ALBERTO LOPEZ

Comezará o 2 de marzo e incluirá espectáculos que colleitaron éxito de crítica e público por toda España

21 feb 2024 . Actualizado a las 18:59 h.

Mostra de Teatro Clásico de Lugo celebrará o vindeiro mes de marzo a súa vixésimo cuarta edición cun cartel que inclúe a representación de dez obras que, según a concelleira de Cultura, son «de primeira calidade, éxito de crítica e de público en diversos festivais de todo o Estado».

Maite Ferreiro deu a coñecer a programación, que comezará o día 2 e se prolongará ata o 17, e que está deseñada para todos os públicos. Desta volta, a mostra contará cunha importante aposta polas compañías galegas. As representacións terán lugar no auditorio Gustavo Freire.

As entradas para os espectáculos poderán adquirise a través do portal entradaslugo.es ao prezo de 8 euros para as obras pensadas para un público adulto ou de 3 para as representacións de público famliar. Habilitarase tamén un bono de 40 euros que incluirá toda a programación. As persoas en paro, os menores de 30 anos, os pensionistas e os actores e actrices asociadas á AAAG poderán desfrutar dun 30% de desconto. 

A programación

  • Burro, de Ay Teatro. 2 de marzo. 20.30 horas
  • Anónimo, de Hilo Producciones. 3 de marzo. 18.30 horas
  • Mañanas de abril y mayo, de Teatro de Malta. 7 de marzo. 20.30 horas.
  •  El perro del hortelano, de Vania Produccions. 8 de marzo. 20.30 horas
  • Abre el ojo, de Noviembre Compañía de Teatro. 9 de marzo. 20.30 horas
  • O Crebanoces, de Larraitz Urruzola Producións Artísticas. 10 de marzo. 18.30h. Espectáculo para público familiar.
  • Julio César, de Companhia do Chapitô. 14 de marzo. 20.30 horas
  • Las bingueras de Eurípides, de Las Niñas de Cádiz. 15 de marzo. 20.30 horas
  • La Toffana, de La Quintana Teatro . 16 de marzo. 20.30 horas
  • Esperando a Will, de Egos Petits. 17 de marzo. 18.30 horas. Espectáculo para público familiar.