Lugo ofrecerá un centenar de actividades en 2023 como capital do Eixo Atlántico

A cidade amurallada acollerá este 2023 o mellor das disciplinas culturais locais xunto ás do resto de Galicia e do norte de Portugal a través dun programa con máis dun centenar de actividades con motivo de ser Lugo este ano a capital da Cultura do Eixo Atlántico.

Febreiro

Na xornada inaugural da programación do Eixo Atlántico, que terá lugar o 23 de febreiro, conxugaranse modernidade e tradición no concerto de Abraham Cupeiro e a Orquestra Filarmónica de Braga, que darán ritmo á cerimonia de apertura a partir das 19.30 horas.

Asimesmo, o 25 e o 26 deste mes celebrarase a feira gastronómica «Sabores do Eixo» na Praza de Abastos.

Marzo

Lugo converterase novamente nun lenzo para as obras dos artistas galegos máis recoñecidos co taller «Urban Cores Atlánticas», do 6 ao 12 de marzo, no que intervirán Diego As, M. Pereira, Pía Piadosa e Nomía Núñez.

Durante este mes tamén se celebrará o ciclo «Mulleres Atlánticas-Unha mirada en feminino», do 2 ao 12 de marzo no Vello Cárcere.

O 24 deste mes celebrarase un concerto de Semana Santa no que actuarán Raquel Mendes, Péter Bozi, Fernando Guimaraes e Vicente Antequera, xunto á orquestra Ars Combinatoria.

O 25 de marzo terá lugar o Festival Cores Atlánticas con exhibicións de skate, batallas de gallos e actuacións de DJ na Rúa 8 de marzo.

Ademais, a ligazón literaria entre Galicia e Portugal demostrarase a través dunhas catas literarias no MIHL o 30 de marzo, 27 de abril, 25 de maio, 26 de outubro e 30 de novembro ás 20.00 horas.

Abril

O Vello Cárcere recolle a Feira do libro infantil e xuvenil do 31 de marzo ao 2 de abril a caro de varios contacontos. O Claustro da Catedral acollerá a exposición «Semana Santa, tradición secular», para afondar no significado desta tradición.

A ilusión e a fantasía uniranse na «Maxia do Eixo» con recoñecidos ilusionistas o 13 deste mes. Para rematar o mes, o 28 de abril a gala «GLUMA- Gala Lucus Moda Atlántica».

Maio

Entre o 1 e o 31 de maio celebrarase a «Exposición do cómic» no MIHL para os amantes da ilustración.

Do 2 ao 7, terá lugar o «Tour do Talento», centrado en estimular distintas disciplinas artísticas da mocidade.

Do 2 ao 30 de maio celebrarase o ciclo de conferencias «Gallaecia: pasado común do Noroeste peninsular» no Vello Cárcere con Santiago Ferrer, Fermín Pérez Losada ou Rubén Álvarez. O 11 de maio «De perdidos, ao Miño», un ciclo que promove os encontros pola igualdade, diversidade e inclusión da sociedade no Pase Fluvial.

O 13 e o 14 deste mes haberá un mercadilño no río, e o 15 e 16 un encontro de danza universitaria. Para rematar o mes, o 21 de maio haberá unha mostra de xogos tradicionais galegos e portugueses no Paseo Fluvial.

Xuño

Este mes celebrarase o Arde Lucus do 22 ao 25, unha das tradicionais festas da cidade, que conta xa co distintivo de «Fiesta de Interés Turístico Nacional» polo seu valor.

Xullo

Do 1 de xullo ao 31 de agosto, os lucenses poderán ver a exposición «Retrospectiva da Bienal de pintura do Eixo Atlántico» no MIHL. Do 4 ao 26, a contorna fluvial de Lugo contará con actuacións musicais.

Do 3 ao 19 de xullo, celebraranse os obradoiros «Creando talentos», apra dar renda solta á creatividade literaria e pictórica. Ademais, do 6 ao 27 deste mes terá lugar o programa «Concertos na Chanca» no Paseo do río Rato.

Agosto

Os xoves do mes de agosto celebrarase o programa «Títerecirco», dende o 2 ao 29.

Setembro

Do 15 ao 16 de setembro terá lugar o Caudal Fest, no que actuarán este ano Leiva, Vetusta Morla, Dani Fernández, Miss Caffeína Berto, Sidonie, Ojete Calor, La La Love You, Yeico x Toni, Berto, etc.

Outubro

Volverá a tradicional festa lucense San Froilán coas casetas do polbo, actuacións musicais e moito máis do 4 ao 12 de outubro.

Novembro

No 27 de novembro celebrarase o I Encontro de Cidades patrimonio da Humanidade do Eixo Atlántico e un concurso gastronómico de tapas.

---

---

---