Como achegarse a Mozart a ritmo de memes

Laura López LUGO / LA VOZ

LUGO CIUDAD

Andrea Vilar, Marcos Castedo e Diego Segade puxeron en marcha o proxecto Música e memes

Un trío de música clásica de Lugo pon en marcha o proxecto «Música e memes», unha experiencia musical coa que mostrar os compositores clásicos ás novas xeracións

08 may 2022 . Actualizado a las 05:00 h.

Entender as composicións de Mozart mediante imaxes do Titanic ou de Homer Simpson é posible. Achegarse á música clásica a través dos memes que tan populares se fan grazas ás redes sociais é o obxectivo que plantexa un trío de música clásica de Lugo formado por Andrea Vilar (piano), Diego Segade (viola) e Marcos Castedo (clarinete). Os mozos lanzaron o proxecto Música e memes, para «demostrar que a clásica tamén fala o idioma dos memes» e que a música non deixa de ser unha linguaxe que se pode traducir. Cos seus concertos divulgativos e interactivos están triunfando.

Regístrate gratis y recibe cada mañana en tu correo las principales noticias del día

Todo comezou co traballo de fin de máster de investigación musical que realizou Andrea Vilar. Nel analizou unha obra musical, traducindo o seu significado a memes; concretamente, unha peza de Mozart do século XVIII. A raíz desa experiencia, Vilar decidiu ampliar o proxecto, para o que contactou con dous amigos e compañeiros do Conservatorio de Música de Lugo: Diego Segade, agora mestre no Conservatorio da Coruña; e Marcos Castedo, tamén profesor. E así naceu Música e memes. O proxecto desenvólvese mediante concertos didácticos e a través das labores de divulgación que realizan en redes sociais, pero a súa intención é amplialo, tanto no que se refire ao repertorio coma nas iniciativas que levan a cabo.

O concerto, que estrearon no propio Conservatorio, dura arredor dunha hora e consiste en interpretar o Trío K.498 Kegelstatt de W.A. Mozart, combinando música, coa proxección dos memes e a interacción co público, que a través dun código QR pode intervir. «A xente nova responde moi dinamicamente, reconforta velos gozar e escoitalos rir», confesa Vilar.

Porque ese é o obxectivo, «responder ás inquedanzas das novas xeracións e que lles medre o gusanillo da clásica. É un traballo complicado, pero reconfortante», recoñece a pianista, que está estudando en Hungría o posgrao de piano.

Músicos comprometidos

Para este trío lucense, é un deber inherente a todo intérprete de música clásica «reivindicar o valor deste xénero na actualidade». «A día de hoxe, se somos intérpretes de música clásica, temos que comprometernos coa súa divulgación», sentencia Vilar. Para iso, «é necesario rexeitar todos os prexuízos que o rodean e atopar un método para achegalo ao público dun xeito orixinal e innovador». E aí é onde entran en xogo os memes, eses elementos de comunicación de tanto éxito en Internet, e que son elixidos por estes músicos tras unha rigorosa investigación semiótica: «Isto permite introducir a linguaxe da música de finais do século XVII dentro dun imaxinario colectivo actual que cataliza a empatía e o interese do público».

E despois do espectáculo, chega a reflexión: «É a música clásica un xénero tan afastado do mundo actual? Pode esta música responder aos intereses e inquedanzas do público de hoxe en día?». Para a Andrea Vilar, está claro: «O mundo cambia, pero hai cousas que non, como as emocións e os sentimentos que nos transmite a música, sexa do século que sexa».

Mozart na lista de Spotify

Explicando a música clásica dun xeito orixinal e innovador, pretenden que os mozos se enganchen a estas melodías e que «quizais queiran engadir a Mozart na súa próxima lista de Spotify».

Ademais de continuar coa xira e coa actividade nas redes sociais, queren ampliar o proxecto: «Ten moito potencial e queremos que a xente goce coa clásica», engade a pianista.

Biyi Amez interpreta el theremín este viernes en la Casa da Música de Lugo

Doble concierto en Lugo de theremín, el instrumento que se toca sin tocarlo

Laura López

De las manos los artistas Paulo Pascual y Biyi Amez, como por arte de magia, van brotando notas musicales. De lo que semejan caricias en el aire surgen melodías, como por arte de magia. Pero no hay magia detrás de la actuación, sino ciencia: la que permitió la invención del theremín en 1919. Este instrumento centenario, el primero electrónico de la historia y el único del mundo que se toca sin ser tocado, protagonizará un taller y doble concierto este viernes a las 19.00 horas en la Casa da Música de Lugo, organizado por Trasnosound y Xuventude, para difundir esta joya de la historia de la música.

Seguir leyendo