Ata 15 expositores estarán na Praza da Soedade
22 sep 2021 . Actualizado a las 13:58 h.A Concelleira de Participación e Servizos para a Veciñanza, Cristina López, presentou este mércores xunto co presidente da Asociación Provincial Lucense de Apicultores, Pablo Piñeiro, a 28 edición da Feira do Mel de Lugo, que reunirá a 15 produtores de todas as zonas de Lugo o vindeiro sábado 25 na praza da Soidade. Cristina López declarou que «este ano volve a feira do mel despois de acordarmos, tanto a APLA como o Concello de Lugo, non celebrar a feira o ano pasado por mor das restriccións do covid».
A apertura desta feira está prevista para o sábado ás 10 da mañá, e prolongarase durante todo o día até as 20 horas, onde se porán á venda distintos tipos de mel de calidade, producido nas terras de Lugo. Pablo Piñeiro, presidente da APLA, agradeceu ao concello a súa colaboración nunha cita xa consolidada no inicio do outono lucense.
A área de Participación organiza, dentro da propia feira, unha cata de meles a cargo de representantes do consello regulador da IXP Mel de Galiza. A cata terá lugar ás 12 horas e estará aberta á participación da veciñanza que o desexe ata encher o aforo, que deberá anotarse previamente chamando ao 982 295 037.