«A Banda de Lugo debería ser o buque insignia da música da cidade, de Xoán Montes ou Freire»

Lorena García Calvo
l.g.c. LUGO / LA VOZ

LUGO CIUDAD

22 jul 2021 . Actualizado a las 05:00 h.

David Fiúza (Vila de Cruces, 1985), a pesar de que aínda non sabe se quedará definitivamente como director da Banda de Lugo, ten moi clara a folla de ruta que quere seguir para sacar adiante o que considera unha responsabilidade.

-Cales serán os primeiros pasos?

-Coñecer internamente como está funcionando todo e a partir de aí ver como se pode optimizar o servizo. Hai que coñecer ben cada compoñente da agrupación, cada músico funcionario, e tamén como está marchando a Escola de música. Empezar a facer ensaios e ver cales son as posibilidades sonoras e as de realización para ir programando xa concertos.

-Non é chegar e dar partituras.

-Se fora unha agrupación que estivera mantendo unha actividade constante ata agora, que xa sabes como está funcionando, poderíase, pero como non é o caso, primeiro hai que coñecela ben.