Propoñen melloras no edio da cultura lucense pero tamén propostas de carácter político
15 jun 2021 . Actualizado a las 13:21 h.Comeza a camiñar a Asociación Cultural Lugo Sempre. «Nace coa intención de poñer un seixo máis no milladoiro da cultura. Queremos apoiar o noso como ben común; sen amos, nen propietarios. O noso idioma, as nosas tradicións, o porvir…; nunca merece ser imposto; pola contra debe ser unha ferramenta de conxunción, de querérmonos, de respecto, de integración, de convivencia...», sinalan nun comunicado onde se expoñen os seus obxectivos e reivindicacións. O presidente deste colectivo é Agustín Gallego, que nas últimas eleccións locais foi nas listas de Galicia Sempre e foi candidato de UPyD. O vicepresidente é o xornalista radiofónico Paco Nieto. E a responsable de Cultura é Melina López.
A asociación, que sinala que non se nutrirá das subvencións, deixa clara as súas intencións: «Lugo Sempre será un foro aberto onde se acollerán todas as manifestacións que confluan en mellorar a calidade de vida dos veciños. O noso compromiso é o de construir non o de axitar debates estériles. Reclamamos xestión eficaz e consenso social; ese ten ser o eixo vertebrador donde se moverá Lugo Sempre que, por certo, como organización nunca participará en ningún tipo de eleccións; non obstante, si algún membro da organización desexa participar da contenda electoral, é moi libre de facelo, con calquera das organizacións existentes ou participar en novas alternativas».
O colectivo xa conta cunha web, http://lugosempre.com/, na que se pode ver un compendio de todo o que reclaman. No mes de setembro, presentarán á sociedade un calendario de traballo, así como un documento con propostas, tanto no eido cultural como as súas ideas a desenvolver «dende o observatório da política».