Adolfo de Abel Vilela presenta a obra no Vello Cárcere o luns 24
21 may 2021 . Actualizado a las 12:33 h.Luns 24 • 20.00 horas • Auditorio de O Vello Cárcere (Lugo) • Asistencia de balde, previa inscrición no teléfono 982 297 195 •
O historiador Adolfo de Abel Vilela (Lugo, 1946) presenta o luns o seu libro número 31, Antonio Fraguas Fraguas. Epistolario, recensións bibliográficas e apéndices. Etapa de Lugo (1950-1959), que é o segundo volume da obra Antonio Fraguas Fraguas, Lugo, a etapa da liberdade e do recoñecemento intelectual e social (1950-1959), que publicou a concellería de Cultura de Lugo. O acto terá lugar ás 20.00 horas no auditorio do Vello Cárcere.
Trátase dunha obra que De Abel Vilela fixera no 2019, ano no que se lle dedicou o Día das Letras Galegas ao polígrafo galego. Nel dáse a coñecer a temática e o contido dos tres primeiros libros que publica na etapa lucense; a recensión de 82 artigos sobre arqueoloxía, prehistoria, historia, arte, xeografía, etnografía, folclore, bibliografía e biografía; e cinco conferencias, así como a rica correspondencia, unha selección de máis de 200 cartas que nos introduce na vida íntima dos autores.