Comeza a construción do Skate Park que terá Lugo xunto ao centro comercial As Termas

la voz LUGO

LUGO CIUDAD

Visita da alcaldesa de Lugo ao lugar onde comezaron as obras
Visita da alcaldesa de Lugo ao lugar onde comezaron as obras

Serán case 900 metros cadrados de pistas e estarán operativas a partir de xullo

12 abr 2021 . Actualizado a las 19:51 h.

A alcaldesa de Lugo, Lara Méndez, e o edil de Deportes, Miguel Fernández, supervisaron o inicio dos traballos de construción do novo Skate Park co que o goberno local quere ampliar a oferta deportiva municipal.

Trátase dunha pista de 887 metros cadrados, na que o Concello investirá 215.077 euros e que estará localizada na zona pública existente ao carón do centro comercial As Termas, entre a rúa Veiga Grande e a avenida Fabio Paulo Máximo. 

A alcaldesa explicou que «para o seu deseño foron tidas en conta as aportacións que os colectivos locais lle fixeron chegar ao responsable de Deportes, indicando as súas propostas e preferencias para, na medida do posible, poder incorporalas ao proxecto», ao tempo que sinalou a vontade do goberno local de proceder á súa apertura no mes de xullo, tendo en conta que o prazo de execución da mesma é de 16 semanas.