A sección conserva 19 obras e unha escultura doadas polo artista
27 dic 2020 . Actualizado a las 17:18 h.O Museo Provincial de Lugo vén de remodelar a sala monográfica adicada ao gravador Julio Prieto Nespereira. Foi o departamento de Belas artes e restauración o que se encargou dos traballos, que incluiron a substitución do enmarcado e a revisión do estado de conservación dos dezanove gravados e a escultura que se expoñen na sala. Todas, obras de Prieto Nespereira.
Con esta intervención complétase a remodelación da sección de gravado do museo, logo das melloras efectudas nas coleccións de Castelao e Castro Gil. Tal e como explican dende Vicepresidencia da Deputación, deste xeito rematouse co reenmarcado de todas as obras expostas e o seu acondicionamento con materiais específicos, tales como carpetas de conservación ou vidros antirreflectantes con protección UV e transparentes. Aproveitando os traballos, a área de Restauración comprobou a conservación das obras e actuou nas que o necesitaban.
A sala Julio Prieto Nespereira acolle dezanove gravados realizados coa técnica do augaforte e unha escultura. Todas estas obras foron doadas polo propio artista ao Museo no ano 1981. No ano 2010 a coleccióni foi reubicada no priemeiro andar do museo, creándose a seccióni de debuxo e gravado galego.
