Dez concertos devolven a música clásica á cidade

A Real Filharmonía de Galicia inaugura o día 23 no Círculo das Artes o programa da Sociedade Filarmónica de Lugo

Presentación del programa
Presentación del programa

Lugo

Dez concertos devolverán a música clásica á cidade da man da 74 tempada da Sociedade Filarmónica de Lugo. As actuacións incluirán orquestras, solistas e agrupacións de cámara, que ofrecerán os seus espectáculos ás 20.15 horas no Círculo das Artes, de outubro a maio, previa reserva (cunha antelación mínima de 48 horas) no 982 230 805 ou en filarmonicadelugo@gmail.com. A concelleira de Cultura, Maite Ferreiro, participou na presentación deste programa, lembrando a aposta da súa área polas actividades culturais seguras para reactivar o sector e agradecendo «o compromiso da sociedade Filarmónica por manter esta actividade xa consolidada no calendario cultural de Lugo».

A tempada retómase cos concertos adiados no inicio da crise, xunto con novas propostas de gran nivel galego, estatal e internacional. Inaugura o programa o concerto que ofrece o día 23 a Real Filharmonía de Galicia coa batuta do director Jan Willen de Vriend, cun repertorio dedicado a obras de W. A. Mozart, entre as que se inclúe a Sinfonía nº 40. Entre as agrupacións que participarán nos próximos concertos destacan o Dúo Cassadó (25 de novembro); o Ensemble Trifolium, significado na interpretación historicista e que cun programa baseado na música de Joao Pedro de Almeida actuará o 2 de decembro; o Ensemble 1700 dirixido por Daniel Pinteño, o 19 de decembro; e o 16 de xaneiro, o cuarteto de corda máis internacional do noso país: o Cuarteto Quiroga, que será protagonista do que será o concerto nº 700 da Sociedade Filarmónica de Lugo.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Dez concertos devolven a música clásica á cidade