O Concello de Lugo pide «seriedade» polo tema das mascarrillas caducadas que lle enviou a Xunta
LUGO CIUDAD
«Entendemos que os concellos que necesiten de material deben solicitalo á Xunta», sinalan desde o goberno municipal, en referencia ás peticións de Friol e As Nogais
07 abr 2020 . Actualizado a las 12:31 h.«Desde o Concello de Lugo pedimos seriedade neste tema, porque estamos a falar da protección das persoas nunha crise de primeira magnitude. Cremos que é o momento de traballar con rigor e unidos. Non é o momento de populismos senón da xestión seria». Así remata unha nota de prensa o Concello en resposta ás noticias de que os alcaldes de Friol e As Nogais pedían a Lugo que lle enviase o material defectuoso e caducado que lle chegou da Xunta.
O Concello de Lugo lembra que foi a propia delegación territorial da Xunta en Lugo á que ch amou á concelleira de Benestar para dicirlle que parte do material non estaba en bo estado e «lle enviu un admitindo que foi un erro». A Xunta pedíalle ao Concello que se informase das partidas que estaban mal e que serían substituidas. «Desde o Concello de Lugo agradecemos, unha vez máis e como non podía ser doutra maneira, o envío de material, e quedamos á espera de que a Xunta nos informe de que facer co material que nos remitiu con anterioridade. Entendemos que, neste caso, os concellos que necesiten de material deben solicitalo á Xunta de Galicia».
