Lugo Monumental repartirá 1.000 euros en premios á mellor animación de rúa no Entroido

O prazo de inscrición finaliza o día 21 deste mes, ás  23.59 horas


Lugo

A asociación Lugo Monumental convoca o VIII Premio Lugo Monumental de Animación na rúa que terá lugar entre os días 22 e 25 de febreiro coa colaboración dos locais do centro histórico.

O premio está pensado para atraer ao centro ás cuadrillas que celebran o Entroido e tal e como recollen as bases do premio, entenderase como animación calquera actividade que as agrupacións consideren oportuna (música, teatro, monólogos, maxia, xogos infantís...) e que contribúa a crear diversión e ambiente no centro de Lugo. Teranse en conta as mellores cancións, disfraces e presentacións, pero o que máis pesará será a animación na rúa.

Para optar ao premio os participantes deberán enviar un correo electrónico ao enderezo asociacion@lugomonumental.es ou unha mensaxe de Whatsapp ao número 644 637 444 cos seguintes datos: nome do grupo, número de participantes e descrición da animación, nome dunha persoa de contacto, teléfono e enderezo electrónico.

O prazo de inscripción finaliza o día 21 deste mes, ás 23.59 da noite e é gratuita. Cada agrupación designará a un representante, que será o único interlocutor válido coa Organización para todos os efectos. En caso de resultar premiada, a agrupación faculta expresamente ao representante para recoller o premio obtido.

Os premios son vales con distintos valores: o primeiro, 600 euros; o segundo, 300 e o terceiro, 100. Os premios entregaranse en vales de 50 euros trocables nas empresas asociadas a Lugo Monumental.

Os locais participantes participarán na votación, polo que os grupos deben animar as zonas onde están. 

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos
Comentarios

Lugo Monumental repartirá 1.000 euros en premios á mellor animación de rúa no Entroido