«Levamos 15 anos pedindo saneamento e abastecemento de augas na provincia»

Ángel Abuín encabeza a loita de máis de 600 persoas que piden servizos básicos en municipios da provincia de Lugo


lugo / la voz

Ángel Abuín é o presidente da plataforma Lugo en pé. Hai quince anos, el e outros veciños de Esperante, Calda, Lamas e Monte de Meda, levan máis de 15 anos esixindo un servizo básico: o de saneamento e abastecemento de augas. «Levamos moitos anos pedindo saneamento. Cando se fixo o da Louzaneta dixéronnos que quedaría previsto, e non houbo ningunha mellora polo momento», explica Ángel.

Ás aforas de Lugo, aos pés da N-640, un gran número de casas non contan con saneamento e abastecemento. As alternativas son fosas sépticas -que xeran un gran problema á hora de eliminar os residuos- ou pozos, aínda que cada vez son máis os conflitos veciñais derivados destas construcións. «É difícil ás veces ata facer un pozo, porque non o podes poñer preto de outro para que non o seque», explica Ángel, que tamén conta como xa hai máis de 15 anos fixeron as primeiras reivindicacións para esixir a instalación de servizos básicos nas zonas que rodean Lugo.

«A Xunta acordou poñer o 70% do diñeiro necesario para as obras, e o Concello, o 30%», conta o presidente de Lugo en pé, que tamén afirma que, ata agora, ninguén se implicou nun proxecto que considera «necesario» para o día a día dos máis de 600 veciños que viven nas zonas máis afectadas.

Ademais, os problemas de abastecemento e saneamento tamén afecta ás empresas instaladas a carón da N-645. «Algunhas contan con máis de 100 traballadores e fixeron pozos que finalmente non lles serviron para nada», explica Ángel.

16 empresas asentadas

Na zona de Esperante e Calde hai 16 empresas asentadas, «todas se verían beneficiadas con estas melloras tan necesarias, e así contaminaríase menos», conta Ángel.

O Hospital de Calde ten a súa propia depuradora, creada a raíz dunha denuncia de Seprona. As augas residuais de Esperante, Calda, Lamas e Monte de Meda van dar, segundo Ángel, ás augas do río Miño.

«Nós entendemos que é unha obra custosa e pouco vistosa, pero no 2017, o Concello prometeu 300.000 euros ao ano para intentar crear a rede de saneamento e abastecemento», conta Ángel, que tamén engade que, ata o día de hoxe, aínda non se percibiu nada desta cantidade.

Os veciños dos municipios das aforas de Lugo tamén pediron axuda á Confederación Hidrográfica, pero esta non tivo bos resultados.

Máis de 15 anos de loita

O abastecemento e o saneamento nas zonas próximas a Lugo xa foi un tema a tratar durante o mandato de Orozco, hai máis de 15 anos. O Concello ten baixo a súa chave cinco proxectos, e entre eles, un estudo de alternativas, explica Ángel Abuín, que reitera que os veciños das zonas que abrazan á cidade tomarán medidas pronto para reclamar a instalación destes servizos.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
5 votos
Comentarios

«Levamos 15 anos pedindo saneamento e abastecemento de augas na provincia»