Oito de muller


Chega xa e con boas vésperas o día oito de marzo día da muller. O tema non está soamente en poñermos o lazo morado (que non sobra). O tema, por comprensivo e militante, é máis extensivo. Polas voces de Lugo do domingo as palabras maniféstanse en pedir a fin da violencia machista e defender os dereitos das mulleres, pois estas serán libres para escoller e piden igualdade, si, ese obstáculo no camiño desta sociedade, xa que a saída desta existencia terrible, a de ser muller, ha ser persoal e colectiva, non se pode reducir ao íntimo. O da muller será público, da orde da cidadanía, da orde da política e sempre transformadora, xa que logo ela será a protagonista, a dirixente e impulsora, dos seus movementos e así tamén o manifestará na folga do oito de marzo.

Xa está ben de manter o divorcio entre gobernantes e gobernadas, si, esa constante pública dos estados ata o de agora, pois a muller loitou e loita contra a precariedade laboral, a discriminación e a favor de salarios dignos. Quen diga nos foros mediáticos ou en privado que está pola igualdade e polo emprego de calidade das mulleres, que o demostre, pero con feitos, nas súas actitudes e influencias ou decisións, pois non se pode ser feminista alimentándose de machismo. Non é?

Ninguén poñerá en dúbida que as mulleres son os sectores populares máis dinámicos e así aos machos e tamén a non poucas mulleres convén poñerlles en claro que son horas que se acepten que as mulleres son quen sofren violencia e millóns delas non chegan á vellez polo feito de selo… muller. Que ninguén nos veña a falar de vinganza, pois é inadmisible. A xustiza é quen ten que se poñer á fronte. Os homes o día oito temos responsabilidades especiais de traballos de coidados. As mulleres estarán en folga.

Por David Otero Escritor estradense

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Oito de muller