Charla sobre a visión de Roma na banda deseñada

LUGO CIUDAD

Continúa o I Encontro de Banda Deseñada Histórica de Galicia

20 abr 2018 . Actualizado a las 11:07 h.

Venres 20 • 20.00 • MIHL • Lugo • 

Continúa en Lugo o I Encontro de Banda Deseñada Histórica de Galicia, con charlas e obradoiros sobre cómic histórico ao longo deste mes, como parte do Arde Lucus Cultural. O venres 20 intervirá Xosé Barreiro «Pio», fundador de Komic, a primeira gran libraría dedicada á BD, coa charla A visión de Roma na banda deseñada.

Por outra parte, o sábado 21 terá lugar o segundo dos obradoiros organizado dentro deste encontro, para maiores de 17 anos. Será no MIHL de 11.00 a 13.00 e contará como mestre de cerimonia ao ilustrador lucense Miguel Fernández. Inscricións no 010 ou no 982 297 150.

No encontro participan algúns dos principais especialistas galegos, para achegar a todos os públicos a importancia que a ilustración pode ter para ensinar e mostrar parte da nosa historia.