Haberá obradoiros de todo tipos nos catro meseos da rede provincial
23 jun 2014 . Actualizado a las 20:40 h.A Rede Museística Provincial xa ten preparado o programa de actividades estivais que ofertan cada ano os catro museos que a conforman: o Museo de Lugo, o Museo do Mar de San Cibrao, o Museo Fortaleza San Paio de Narla, e o Pazo de Tor.
O programa de obradoiros de verán ofrece un amplísimo número de actividades, de diversa índole e duración, dirixidas a públicos de todas as idades, a partir dos catro anos, e adaptadas á contorna de cada un dos museos.
Haberá obradoiros de pintura, escultura, gravado, musivaría, fotografía, muralismo, ourivería, música ou cine; campamentos de arqueoloxía, traballos manuais e artesanais, actividades arredor da gastronomía e a alimentación, ou de aplicación de distintas tecnoloxías, «para coñecer mellor o medio e mundo no que vivimos», son algunhas das propostas da Rede Museística para xullo, agosto e setembro.
A directora da rede, Encarna Lago, fixo fincapé na implicación no referente á accesibilidade: «cada ano traballamos para que todas as actividades que ofertamos sexan accesibles a todas, sexan cales sexan as súas capacidades, poñendo á súa disposición todas as medidas humanas e técnicas necesarias». Neste sentido, sinalou, este ano, como novidade, e coa vista posta en cubrir as necesidades das persoas participantes que padezan algún tipo de discapacidade mental, deseñaron uns obradoiros relacionando os contidos do Museo con musicoterapia, impartidos por psicólogos e especialistas na materia. Para recibir información dos cursos e das actividades de verán pódese ver a web www.museolugo.org