Abren unha exposición sobre a última execución pública cometida en Monforte

la voz

No Centro do Viño da Ribeira Sacra inaugurarase esta tarde a exposición fotográfica Coma silvas que comen muros, do arqueólogo Iván Álvarez Merayo, que se inspira na última execución pública cometida en Monforte. O acto celebrarase ás oito da tarde e a exposición poderá visitarse durante un mes.

O suceso en que se basea a exposición sucedeu o 3 de outubro de 1941, data en que o factor ferroviario Manuel Pérez Goyanes, condenado a morte por un tribunal militar franquista, foi fusilado nas aforas da localidade, nun campo situado cerca da actual estrada N-120. Pérez Goyanes fora acusado de provocar na estación monfortina un accidente ferroviario que non causou vítimas e que, segundo todos os indicios, tivo un carácter fortuíto. Álvarez Merayo tivo coñecemento deste suceso a raíz dunha reportaxe públicada en La Voz de Galicia no 2003.

A exposición fotográfica xa foi presentada con anterioridade no Museo Provincial de Lugo.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
3 votos

Abren unha exposición sobre a última execución pública cometida en Monforte